السلام عليكم
جيبت لكم هذي القصيدة اتمنى تعجبكم
انا مليت هالدنيا وكثر الهم والهوجاس
انا مليت بعض احباب اذا ما غبت ينسوني
انا مليتها ايامي اعيش العمر دون احساس
انا مليتهم ربعي مع الخلان جافوني
اشوف الدنيا مسودة بعيني الارض ماتنداس
من همومي انا اتنهد سواد الحزن بعيوني
مرار الهم تاعبني احس انه علي حراس
احس انه مع التعذيب يصب السم على طعوني
تمر سنين من عمري ملاها غدرها والياس
ملاها ليلها الاسود ونزف الروح بالهوني
وفجر الغم يقتلني وزاد الشك مع الوسواس
وزاد الخوف من باكر سبايب ناس خلوني
انا محتاج من يسأل ابي كلمة ولو لا باس
ابي لي صاحبن يعطف ابي لي ناس يحموني
انا محتاج لي خلن حياته غير كل الناس
ضحك وافراح يتدلع وشكلن حلو مزيوني
وطيبة قلب تسحرني وابي خلن رفيع الراس
كريم النفس ما يغدر ولو غيره يغدروني
ابيه يكون لي وحدي ولا قلبن سبق ونحاس
ابي قلبن على ماقال يكون اليوم مرهوني
تحياتي
الإثنين أكتوبر 26, 2009 11:53 pm