مكه يا مكه مافي فكه
ومعاكم القاموس الحجازي
عساك الفقدة البعيد --- يعني الله يضيعك ويشردك عننا
الله يخرط بطنك ---- الله يجيبلك اسهال الله يكرمككم
الله يقص حيلك ---- يعني من كتر الفجعة
الله ينقور وينخور عينك ---- يعني الله يقلعها البعيد
الله يلعن جرمك على جرك ----- يعني كلك على بعضك
تعال اطفح + طافوحلي+ اتسمم -----يعني تعال كل <<< يلعن ام الاسلوب
ابرشمك ---- يعني اخلط خلقتك في بعضها يسير ماتعرف الوش من القفا
عساك اللسنة ---- يعني اسكت ربي يكتمك
اقدحو + اصنجو ---- يعني اضربو ولاترحمو <<< ياويلهم من ربي يعذبوه
الله يتبصر فيك يا بعيد ---- يعني الله يكافيك ويجازيك بحاجة مهي طيبة
الله يكتم نسمك --- يعني نفسك
دوول الناس اللي لسانهم طويل .... هههههههههههههه
بيت الما --- الحمام الله يكرمكم
المركب---- المطبخ
الدقديق--- البطانية
جافيه ---- الشامبو
ورور+ اكة+ نجفة ----- الراجل الحلو الوسيم اللهم صلي على النبي <<< دحين في فله وروش وكوول
دندرمة ---- ايسكريم
الهمبرة واللنقبة --- الدشرة والصرمحة وهادي تنقال للحرييييييييم <<< دي مره قويه لاتقولوها لاي احد
زنبيل --- الكيس
ودي مايستخدموها الا العجاااايز مررره واهل البلد القداما
النقنقة+ التلبيبة + التصبيرة ---- كلها يقولها على الاكل الخفافي اللي بين الوجبات
حاجة مدردمة --- يعني مدورة
لاتقروشها --- يعني بلاشي من طول الكلام والهرج الكتير
الفرصعة +البحلقة + الفنجلة--- يعني زي ماتقول تفك عينك علين لمن بدها تسقط علشان تفجع البزورة
مصرفده -- مستعجله
امسد الشماخ ----- يعني اكويه <<<< اجيب العيد في الشماغ مو امسدو بس
كفتو --- يعني كلبشتو والتاء عليها شده
الصمرقع \ الجنان
مخمج---- معفن
اهبط + اهجد ---- يعني افتر وانطق وبلاشي حركة زايدة .... تعرفو ايش يعني انطق ؟؟
الدسدسة----- الخشخشة <<< فهمتو الاولى عشان تفهمو التانيه هههههههههه يعني المستخبي او المخفي
كركرة---- الضحك والصهللة
دي الكلمات اللي الين دحين نستخدمها
اللون القاحوطي ---- زي لون الطحينة
شاهي بحليب ---- البيج
افلاطوني ---- البنفسجي
بمبة ----- وردي
مستكاوي ---- نباااتي
دي الالوان مالحقت عليها..... الحمدلله هههههههههههههههه
الخوت ---- الدوخ والصرعة
فااااالج ---- شلل البعيد
الهفقان ---- سرعة القلب من كتر الدقدقة
مدخدخ+ مضخضخ ----- يعني وجعان وتعبان << دي امي تقولها
قلبو قااابض --- يعني اللي قلبو كافش وحاسس انو حتسير شغلة مو قد كدة\
يدي اتملخت --- يعني اتلوت وانشتلت
ودي الامرااض ....... بس برضو ماتستخدم كتير
وفي كلمات غيرها ...... بس تحتاج لقاموس ناطق هههههههههههههه
الأحد نوفمبر 01, 2009 3:48 am
